غور، تولک ولسوالۍ کې د نهو لوبډلو ترمنځ د والیبال سیالۍ د فولاد والیبال لوبډلې په اتلولۍ پای ته ورسېدې
د غور ولایت د بدني روزنې او ورزش امریت اړوند د والیبال فدراسیون د استازولۍ له لوري د یاد ولایت په تولک ولسوالۍ کې د نهو لوبډلو ترمنځ د والیبال سیالۍ د فولاد والیبال لوبډلې په اتلولۍ پای ته ورسېدې.
د دغو سیالو په پایلوبه کې د فولاد والیبال لوبډلې خپلې سیالې شاهین لوبډلې ته د ۳/۲ میدانونو په توپير ماتې ورکړه او اتلولي یې خپله کړه.
د یادو سیالیو موخه د والیبال ورزش ته وده ورکول او د غوره لوبغاړو موندل و.
د سیالیو په پای کې د غور ولایت ورزشي امریت له لوري غوره لوبډلې ته د اتلولۍ جام او غوره لوبغاړو ته کپ، مډالونه او ستاینلیکونه ورکړل شوه.
