هرات کې د ٦٠ ورزش کارانو ترمنځ د ویلچر باسکټبال ټاکنیزې سیالۍ پیل شوې
د هرات ولایت د بدني روزنې او ورزش ریاست اړوند د ویلچر باسکټبال فدراسیون د استازولي له لوري د سره صلیب په ورزشي جمنازیوم کې د شپږو ولایتونو ترمنځ د ویلچر باسکټبال ټاکنیزې سیالۍ پیل شوې.
په دغو سياليو کې د ننګرهار، بلخ، بدخشان، کابل، پروان او هرات ولایتونو ورزش کارانو ګډون کړی دی چې ملي لوبډلې ته د ورتګ لپاره به څلور ورځې له یو بل سره سیالۍ ترسره کړي.
د یادو سیالیو لومړنۍ لوبه د کابل او بدخشان ترمنځ ترسره شوه، چې د ۵۸/۳۵ نمرو په توپیر د کابل لوبډلې په بریا پای ته ورسېده.
د يادو سياليو موخه د معلولو ورزش کارانو هڅول، د هغوی د وړتیاوو د ښودل او ملي لوبډلې ته ټاکل ښودل شوي دي.
