هلمند؛ ناوې ولسوالۍ کې د ١٦ لوبډلو ترمنځ د ټېپ بال کرکټ سیالۍ پیل شوې
د هلمند ولایت د بدني روزنې او ورزش آمریت اړوند د ټېپ بال کرکټ فدراسیون د استازولي له لوري د ياد ولايت په ناوې ولسوالۍ کې ١٦ لوبډلو ترمنځ ټېپ بال کرکټ سیالۍ پیل شوې.
د یادو سیالیو لومړۍ لوبه د افغان اتلانو او مرکزي اتحاد لوبډلو ترمنځ ترسره شوه، چې افغان اتلانو لوبډلې د پچې په ګټلو سره لومړی توپ وهنه وکړه او په ټاکلو لسو اورونو کې یې خپلې سیالې لوبډلې ته د ١٧٤ منډو هدف وټاکه. مرکزي اتحاد لوبډلې ياد هدف د لوبې په اووم اور کې پوره کړ او د سياليو لومړۍ بریا یې په خپل نوم کړه.
يادې سیالۍ د لوی اختر د لمانځلو په مناسبت پیل شوې دي، چې یوه اوونۍ به دوام وکړي.
