دایکندي؛ مرکز نیلي ښار کې د ۳۹ لوبډلو ترمنځ د فوټسال سیالۍ ترسره شوې
د دایکندي ولایت د بدني روزنې او ورزش امریت اړوند د فوټبال فدراسیون د استازولۍ له لوري د یاد ولایت مرکز نیلي ښار کې د ۳۹ مکتبونو لوبډلو ترمنځ د فوټبال سیالۍ د سنګموم لېسې لوبډلې په اتلولۍ پای ته ورسېدې.
د دغو سیالیو په پایلوبه کې د سنګموم لېسې لوبډلې خپلې سیالې د ش.ه.ی.د صادقي ارمان لوبډلې ته د ۵/۲ ګولونو په توپیر ماتې ورکړه او اتلولي یې خپله کړه.
د یادو سیالیو موخه د فوټسال ورزش ته وده ورکول و.
د سیالیو په پای کې د ورزش امریت له لوري غوره لوبډلې ته د اتلولۍ جام او غوره لوبغاړو ته چمتو شوې ډالۍ ورکړل شوې.
