سمنگان کې د لسو لوبډلو ترمنځ د والیبال سیالۍ د غزني ګګ لوبډلې په اتلولۍ پای ته ورسېدې
د سمنګان ولایت د بدني روزنې او ورزش امریت اړوند د والیبال فدراسیون د استازولۍ له لوري د لسو لوبډلو ترمنځ د والیبال سیالۍ، چې دوې اوونۍ وړاندې پيل شوې وې د غزني ګګ لوبډلې په اتلولۍ پای ته ورسېدې.
د دغو سیالیو په پایلوبه کې د غزني ګګ لوبډلې خپلې سیالې مرکزي ولسوالۍ حضرت سلطان لوبډلې ته د ۳/۰ امتیازونو په توپیر ماتې ورکړه او اتلولي یې خپله کړه.
د سیالیو په پای کې د ورزش امریت له لوري غوره لوبډلې ته کپ او غوره لوبغاړو ته مډالونه او ستاینلیکونه ورکړل شوه.
