بامیان؛ مرکز کې د ۳۶ ورزشکارانو ترمنځ د سیمه ییزې غېږنیونې سیالۍ ترسره شوې
د بامیان ولایت د بدني روزنې او ورزش امریت له لوري د یاد ولایت مرکز په قاضان شاه فولادي کلي کې د ۳۶ ورزشکارانو ترمنځ د لویو ورزشکارانو په کټګورۍ کې د سیمه ییزې غېږنیونې سیالۍ ترسره شوې.
د دغو سیالیو په پایله کې د ۳۶ ورزشکارانو له ډلې لایق لومړی، هادي دویم او حاجي حسین درېیم مقام ترلاسه کړ.
د یادو سیالیو موخه سیمه ییزو او دودیزو لوبو ته وده ورکول و.
د سیالیو په پای د بامیان ورزش امریت له لوري غوره ورزشکارانو ته چمتو شوې ډالۍ ورکړل شوې.
