فاریاب؛ اندخوی ولسوالۍ کې د ۷۲ ورزش کارانو ترمنځ د کورش پهلواني سیالۍ ترسره شوې
د فاریاب ولایت د بدني روزنې او ورزش آمریت اړوند د کورش فدراسیون د استازولي له لوري د یاد ولایت په اندخوی ولسوالۍ کې د ۷۲ ورزش کارانو ترمنځ د ځوانانو او لویانو په عمري کټګوریو کې د کورش یو ورځینۍ سیالۍ ترسره شوې.
په دغو سیالیو کې د اندخوی او دولت آباد څلور ګونو ولسوالیو ورزش کارانو ګډون کړی و، چې په پایله کې یې خان چار باغ ولسوالۍ لومړی، اندخوی ولسوالۍ دویم او قرغان ولسوالۍ درېیم مقام خپل کړ.
د دغو سیالیو موخه د کورش پهلواني لوبو وده او پراختیا ښودل شوې ده.
