ميدان وردگ؛ مرکز ميدان ښار کې د شپږو لوبډلو ترمنځ د واليبال سيالۍ پای ته ورسېدې
د میدان وردگ ولايت د بدني روزنې او ورزش امريت اړوند د واليبال فدراسيون د استازولۍ له لوري د ياد ولايت په مرکز ميدان ښار کې د شپږو لوبډلو ترمنځ د واليبال سيالۍ د ځواک ميدان ښار لوبډلې په اتلولۍ پای ته ورسېدې.
په دغو سياليو کې د ځواک ميدان ښار، وردگ زلمي، جلريز، جاويد عزیزي، سپين غر او نصير حمزه لوبډلو گډون کړی وو، چې په پايلوبه کې ځواک ميدان ښار لوبډلې سيالې جلريز لوبډلې ته ۱/۳ ميدان په توپير ماتې ورکړه او اتلولي يې په خپل نوم کړه.
د دغو سياليو د ترسراوي موخه د بغلان ولايت سيلاب ځپلو سره د ورزشکارانو او عامه خلکو نغدي همکاري وه
