خوست؛ عرفان دلپوري لوبډلې د لکڼو شينکۍ جام په نوم د واليبال سياليو اتلولي وگټله
د خوست ولايت د بدني روزنې او ورزش امريت اړوند د واليبال فدراسيون د استازولۍ له لوري د دې ولايت په مرکز فلک ناز ميدان کې د ۲۰ لوبډلو ترمنځ د لکڼو شينکۍ جام په نوم د واليبال سيالۍ د عرفان دلپوري لوبډلې په اتلولۍ پای ته ورسېدې.
د يادو سياليو په پايلوبه کې عرفان دلپوري لوبډلې سيالې واحد نور لوبډلې ته ۰/۲ ميدان په توپير ماتې ورکړه او اتلولي يې په خپل نوم کړه.
د يادونې وړ ده، چې په پای کې لومړي او دويم مقام گټونکو لوبډلو ته کپونه، نغدي او بېلابېلې چمتو ډالۍ ورکړل شوې.
