کابل؛ د والیبال ۱۹کسیزه ملي لوبډله د مرکزي آسیا په سیالیو کې د ګډون لپاره پاکستان ته لاړه
د والیبال ۱۹ کسیزه ملي لوبډله د بدني روزنې او ورزش لوی ریاست په مرسته د مرکزي آسیا لوبو کې د ګډون په موخه د پاکستان اسلام آباد ایالت ته لاړه.
د مرکزي آسیا دغه سیالۍ د راتلونکې شنبې په ورځ د غويي په ۲۱مه نېټه د پاکستان په اسلام آباد کې د افغانستان، ایران، قرغیزستان، ترکمنستان، سريلانکا او پاکستان په ګډون پبلېږي، چې یوه اوونۍ به دوام وکړي.
د مخه ښې په مراسمو کې د بدني روزنې او ورزش لوی ریاست فني او مسلکي مرستیال حافظ احمد جان ځدراڼ، د والیبال فدراسیون رهبري هیئت او د والیبال ورزشکارانو ګډون کړی و.
په دغو مراسمو کې حافظ احمد جان ځدراڼ ورزشکارانو ته لازمې لارښوونې وکړې او د دوی په حق کې یې د خیر دعا وکړه.
