پکتیکا کې د ورزش ادارې رهبري له لوري په لومړي ځل د نېزه وهنې لپاره میدان مشخص او پرانیستل شو
پکتیکا ولایت ته د المپیک ملي کمېټې او سپورټ لوی رئیس مولوي احمدالله وثیق او ورسره مله پلاوي د خپل سفر په ترڅ کې د یاد ولایت په مرکز ښرنه کې د لومړي ځل لپاره د نېزه وهنې سیالیو لپاره میدان مشخص او رسماً پرانیست.
مولوي احمدالله وثیق د دې میدان د پرانیستې په مراسمو کې وویل: موږ غواړو چې ورزش ټولشموله او د هیواد هرې برخې ته ورسوو او زیاته یې کړه، چې پکتیکا ولایت به ډېر ژر د زون په کچه د نېزه وهنې د لوبو کوربتوب وکړي.
هغه وویل، چې موږ هڅه کوو، په دې ولایت کې د ورزش د پراختیا او د ورزشکارانو لپاره نورې او ممکنې اسانتیاوې هم برابرې کړو.
یاده دې وي، چې دا میدان د پکتیکا ولایت مرکز ښرنې اړوند د فوټبال سټیډیوم ترڅنګ موقعیت لري.
