کندز کې د ۴۴ پهلوانانو ترمنځ د غېږ نیونې ټاکنیزې سیالۍ ترسره شوې
د کندز ولایت د بدني روزنې او ورزش ریاست اړوند د کورش فدراسیون د استازولي له لوري د یاد ولایت په سپین زر ورزشي لوبغالې کې د نویو ځوانانو او لویانو په عمري کټګوريو کې د ۴۴ پهلوانانو ترمنځ په ۴۰، ۶۰ او ۶۶ کیلو وزنونو کې د غېږ نیونې ټاکنیزې سیالۍ ترسره شوې.
د یادو سیالیو په پایله کې په ۴۰ کیلو ګرامه وزن کې مراد بیک پهلوان، په ۶۰ کیلو ګرامه وزن کې سلیم پهلوان او په ۶۶ کیلو ګرام وزن کې عبدالکبیر پهلوان لومړي مقامونه ترلاسه کړل.
د یادو سیالیو موخه د کورش ملي لوبډلې ته د غوره ورزش کارانو ټاکل ښودل شوي دي.
