کابل؛ د افغانستان اتلانو لیګ درېیم پړاو سیالیو په دوام کې موج ساحل او سرخ پوشان لوبډلو بریاوې خپلې کړې
د افغانستان اتلانو لیګ سیالیو په دوام نن پنځلسمه او شپاړسمه لوبه کې موج ساحل له سرسبز یاشلر او سرخ پوشان له میوند اف سي لوبډلو سره لوبه ترسره کړه.
د نن ورځې لومړۍ سیالي په پایله کې موج ساحل لوبډلې سرسبز یاشلر ته د ۲-۱ ګولونو په توپیر او دویمه لوبه کې بیا سرخ پوشان لوبډلې میوند اف سي لوبډلې ته د ۶-۰ ګولونو په توپیر ستره ماتې ورکړه.
د افغانستان اتلانو لیګ درېیم پړاو سیالیو کې د ۱۲ لوبډلو ترمنځ ټولې ۶۶ لوبې ترسره کېږي، چې ۳۳ ورځې به دوام وکړي.
