دایکندي؛ شهرستان ولسوالۍ کې د څلورو لوبډلو ترمنځ د فوټبال سیالۍ د پالیچ لوبډلې په اتلولۍ پای ته ورسېدې
د دایکندي ولایت د بدني روزنې او ورزش امریت اړوند د فوټبال فدراسیون د استازولۍ له لوري د شهرستان ولسوالۍ په خربید سیمه کې د څلورو لوبډلو ترمنځ د کوچني اختر په نوم د فوټبال سیالۍ د پالیچ لوبډلې په اتلولۍ پای ته ورسېدې.
په دغو سیالیو کې د پالیچ، خربید، خواجه چاشت او پالیچ لوبډلو ګډون کړی وو، چې پایلوبه کې د پالیچ لوبډلې خپلې سیالې خربید لوبډلې ته د ۴/۲ ګولونو په توپیر ماتې ورکړه او اتلولي يې خپله کړه.
د یادو سیالیو موخه فوټبال ورزش ته د ځوانانو هڅوول و.
د سیالیو په پای کې د ورزش مسوولانو له لوري غوره لوبډلې ته د اتلولۍ جام او غوره لوبغاړو ته چمتو شوي مډالونه ورکړل شول.
