خوست؛ ان.س حقــ. ا. ني لوبډلې د خپل وطن گل وطن په نوم د ټېپ بال کرکټ سياليو اتلولي وگټله
د خوست ولايت د بدني روزنې او ورزش امريت اړوند د ټېپ بال کرکټ فدراسيون د استازولۍ او د محمد نبي عمـ. ري په مالي ملاتړ د خوست ښار په ميس عينک لوبغالي کې د دولتي ادارو او خصوصي سکټور د اتو لوبډلو ترمنځ د "خپل وطن گل وطن" په نوم د ټېپ بال کرکټ گروپي سيالۍ د ان.س حقــ.ا ني لوبډلې په اتلولۍ پای ته ورسېدې.
په دغو سياليو کې د ولایت مقام، امنیه قوماندانۍ، ښاروالۍ، کانونو ریاست، ورزشي امریت، ان.س حقـ. اني، اډوانس لابراتوار او د درملو اتحادیې لوبډلو گډون کړی وو.
د يادو سياليو پايلوبه د ان.س حقـ.ان.ي او امينه قوماندانۍ لوبډلو ترمنځ ترسره شوه، چې په پايله کې ان. س حقـــ.ا ن.ي لوبډلې په ټاکلو اتو اورونو کې د اوو لوبغاړو په سوځېدو سره سیالې لوبډلې ته د ۱۲۰ منډو هدف کېښود، امينه قوماندانۍ لوبډلې ياد هدف تر لاسه نه کړ او د ۳۰ منډو په توپير يې ماته ومنله.
د دغو سياليو د ترسره کېدو موخه د دولتي ادارو او خصوصي سکټور ترمنځ همغږي رامنځته کول وو، چې په پای کې اتلې لوبډلې ته ۱۰٫۰۰۰ افغانۍ، دويم مقام گټونکې لوبډلې ته ۵٫۰۰۰ افغانۍ او غوره لوبغاړو ته ستاينليکونه او چمتو شوې ډالۍ ورکړل شوې.
