هلمند؛ گرمسېر ولسوالۍ کې د اوو لوبډلو ترمنځ د فوټبال سيالۍ پيل شوې
د هلمند ولايت د بدني روزنې او سپورټ آمريت اړوند د فوټبال فدراسیون د استازولۍ له لوري په صفار سيمه کې د اوو لوبډلو ترمنځ د تگ راتگ په نوم د فوټبال سيالۍ د سيلاب لوبډلې په بريا پيل شوې.
په يادو سياليو کې د شهيد معصوم، هلمند ستورو، اتحاد، مهاجر افغان، مشال افغان، شاه اتحاد او سيلاب لوبډلو گډون کړی، چې لومړۍ لوبه د شهيد معصوم او سيلاب لوبډلو تر منځ ترسره شوه، چې په پايله کې سيلاب لوبډلې خپلې سيالې لوبډلې ته د ۰/۱ گولونو په توپير ماتې ورکړه او بريا يې خپله کړه.
د يادونې وړ ده، چې د دغو سياليو موخه ورزش ته د ځوانانو هڅول ياد شوي دي.
