خوست؛ تڼيو ولسوالۍ کې د ۵۰٫۰۰۰ افغانيو په ارزښت د واليبال ميدان پرانيستل شو
د تڼيو ولسوالۍ په دور ملکه سيمه کې د پنځوس زره (۵۰٫۰۰۰ ) افغانيو په ارزښت د بيت الله ژوندون په نوم د واليبال ميدان د دغې سيمې مشرانو، ځوانانو او بهر ميشتو هېوادوالو په مالي لګښت جوړ شوې وو پرانيستل شو.
د ياد ميدان د پرانيستلو وروسته د ورزش آمريت په همکارۍ او د واليبال فدراسيون د استازولۍ له لوري د ۱۵ لوبډلو ترمنځ د واليبال يوه ورځنۍ سيالۍ ترسره شوې، چې پايلوبې ته يې د احسان الله او نجيب الله لوبډلو لاره پېدا کړه، چې په پايله کې احسان الله لوبډلې خپلې سيالې لوبډلې ته ۱/۲ ميدانونو په توپير ماتې ورکړه او اتلولي يې خپله کړه.
د دغو سياليو په پای کې لومړي او دويم مقام گټونکو لوبډلو ته کپونه او غوره لوبغاړو ته مډالونه ورکړل شول.
