لغمان؛ د هیود د ورزش ادارې له خوا د دغه ولایت د بدني روزنې اداري کارکوونکو ته رزونیز سیمینار ورکړل شو
د لغمان ولایت د بدني روزنې او سپورټ ادارې۱۰ تنو اداري کارکوونکو ته د ظرفیتونو د لوړولو په موخه د هیواد د ورزش ادارې د تللي درې کسیز پلاوي له خوا، د یاد ولایت په ورزشي امریت کې یو روزنیز سیمینار ورکړل شو.
په دغه سیمینار کې، چې د بدني روزنې او ورزش عمومي ریاست د ګومارنو د عمومي مدیر سلیمان احمد اعظمي او د دې ادارې د روزونکي عبداللطیف کریمي له خوا وړاندې شو؛ د ملکي خدمتونو د کارکوونکي پر چارچلند بحث وشو.
ټاکل شوې، چې دغه درې کسيز پلاوى سبا کونړ ولايت ته د نورو ښوونيزو پروګرامونو د ترسره کولو په موخه ولاړ شي.
