هلمند؛ عظيمي لوبډلې د گرمسېر ولسوالۍ د واليبال سياليو اتلولي وگټله
د هلمند د بدني روزنې او سپورټ آمريت اړوند د واليبال فدراسيون د استازولۍ له لوري په هزار جفت حوزه کې د ۷ لوبډلو تر منځ د واليبال سيالۍ د عظيمي لوبډلې په اتلولۍ پای ته ورسېدې.
په يادو سياليو کې د مارجه بلاک ۹، عظيمي، مارجه مرکزي، گرمسېر منتخب ، گرمسېر اميد، گرمسېر الف او گرمسېر ب لوبډلو گډون کړی و، چې په پايله کې عظيمي لوبډلې ۰/۳ مېدانونو په توپير گرمسېر منتخبې لوبډلې ته ماتې ورکړه او اتلولۍ خپله کړه.
د يادونې وړ ده چې د دغو سياليو موخه، د ځوانانو تر منځ يووالی او د يادې لوبې وده ياده شوې وه.
په پای کې گټونکې لوبډلې ته د اتلولۍ جام او غوره لوبغاړو ته چمتو شوې ډالۍ ورکړل شوې.
