دایکندي؛ خدیر ولسوالۍ د ۳۰ ورزشکارانو ترمنځ د لاس چپه کولو سیمه ییزې سیالۍ ترسره شوې
د دایکندي ولایت د بدني روزنې او ورزش امریت له لوري د یاد ولایت خدیر ولسوالۍ د پشتروق سیمې د بېلا بېلو کلیو د ۳۰ ورزشکارانو ترمنځ د یووالي په نوم د لاس چپه کولو سیالۍ ترسره شوې.
دغه سیالۍ چې یوه ورځ یې دوام وکړ په پایله کې رشید لومړی مقام او یاسر دویم مقام ترلاسه کړ.
د یادو سیالیو موخه سیمه ییزو لوبو ته وده ورکول، ځوانانو ته د سالمې تفریح چمتو کول او له نشه یي توکو څخه د ځوانانو لرې والی و.
