خوست؛ اسمعیل خېلو مندوزیو ولسوالۍ کې د والیبال سیالۍ د واحدنور لوبډلې په اتلولۍ پای ته ورسېدې
د خوست ولایت د ورزش او سپورټ امریت له لوري د یاد ولایت اسمعیل خېلو مندوزیو ولسوالۍ اړوند بهرام خېلو کلي کې د ۲۲ لوبډلو ترمنځ د ځوانانو د یووالي په نوم د والیبال سیالۍ د واحد نور لوبډلې په اتلولۍ پای ته ورسېدې.
دغه سیالۍ چې یوه میاشت یې دوام وکړ په پایلوبه کې د واحد نور لوبډلې خپلې سیالې عابد لوبډلې ته د ۲/۰ میدانونو په توپیر ماتې ورکړه او اتلولي یې خپله کړه.
د سیالۍ په پای کې غوره لوبډلې د اتلولۍ کپ او لوبغاړو ته مډالونه ورکړل شول.
