هلمند؛ لښکرګاه ښار کې د فوټبال ګروپۍ سیالۍ پیل شوې
د هلمند ولایت د بدني روزنې او ورزش آمریت اړوند د فوټبال فدراسیون د نمایندګۍ له لوري د یاد ولایت مرکز لښکرګاه ښار مرکزي لوبغالي کې د ۲۵ لوبډلو ترمنځ د فوټبال بي ګروپي سیالۍ پیل شوې.
د یادو سیالیو لومړۍ لوبه د ځوان پتمن او نورسخي لوبډلو ترمنځ ترسره شوه، چې په پایله کې لوبه د ۲-۲ ګولونو سره مساوي پای ته ورسېده.
د سیالیو د پیل په مراسمو کې د فوټبال فدراسیون د نمایندګۍ مسؤلانو، ورزش کارانو او د ورزش ګڼو مینوالو ګډون کړی و.
د یادونې وړ ده چې د سیالیو لوبډلې په ۵ ګروپونو وېشل شوي او یادې سیالۍ به یوه میاشت دوام وکړي.
