هرات؛ د لومړي ځل لپاره د کلپونو ترمنځ د رزمي لوبو د فدراسیون د فول کنتاکت کېک بکسنګ سیالۍ ترسره شوې
د هرات ولایت د بدني روزنې او ورزش آمریت، د رزمي لوبو د فدراسیون استازولي او د یاد ولایت د فدراسیونونو د رئیسانو په همکاري د یاد ولایت په باباجي سیمه کې د فروتن اتلانو په کلپ کې د لومړي ځل لپاره د فول کنتاکت کېک بکسنګ سیالۍ ترسره شوې.
دغه سیالۍ د دغې برخې د ۴۰ لوبغاړو ترمنځ د تنکیو ځوانانو، زلمیانو، ځوانانو او ډېر عمر لرونکو په کټګوري کې ترسره شوې.
د یادو سیالیو موخه د فول کنتاکت کیک بوکسېنګ ورزش کارانو وده ښودل شوې ده، چې په پای کې غوره لوبغاړو ته د اتلولي جامونه او مډالونه ورکړل شول.
