غزني؛ په مالستان ولسوالۍ کې د والیبال سیالۍ وشوې
د غزني ولایت په مالستان ولسوالۍ کې د ۱۴ لوبډلو ترمنځ د دې ولایت د بدني روزنې او ورزش آمریت په همغږۍ په میرادینه ورزشي میدان کې د والیبال سیالۍ ترسره شوې.
د دې سیالیو لومړۍ لوبه د پیرزوي جمبود او عقابان قول آدم لوبډلو ترمنځ ترسره شوه، چې پیرزوی جمبود لوبډلې وکولای شول خپلې سیالې لوبډلې ته ۳/۰ ماته ورکړي او اتلولي په خپل نوم کړي.
د دې سیالیو د ترسره کېدو موخه، ورزش ته وده ورکول ، د ورزشکارانو ظرفیت لوړول او د ورزشکارانو ترمنځ یووالی دی.
