زابل؛ مرکز قلات کې ۱۰ تنو ورزشکارانو ته له ارزونې وروسته د ارتقا کمربندونه ورکړل شول
د زابل ولایت مرکز قلات ښار اړوند په همدرد پارکور کلب کې لسو تنو ورزشکارانو ته له ارزونې وروسته د ارتقا کمربندونه او اسناد ورکړل شول.
په یادو مراسمو کې د زابل ولایت د بدني روزنې او ورزش آمریت او د پارکور فدراسیون استازو، مسوولینو ، یو شمېر ورزشکارانو او د مراسمو ځینو ننداره چیانو او مینوالو برخه لرله.
د یادونې ده، چې د ارتقا په یادو مراسمو کې د پیاوړو او بااستعدادو ورزشکارانو له لوري په زړه پورې نمایشونه هم ترسره شول.
