کندهار؛ د المپیک ملي کمېټې او سپورټ عمومي رئيس مولوي احمد الله وثیق له شېخ زاید روزنتون څخه لیدنه وکړه
د افغانستان د المپیک ملي کمېتې او سپورټ عمومي رئيس مولوي احمد الله وثیق کندهار ولایت ته د خپل سفر په اوږدو کې د یاد ولایت له شېخ زاید روزنتون څخه لیدنه وکړه.
د المپيک ملي کمېټې او سپورټ عمومي رئيس مولوي احمد الله وثيق او د کندهار د بدني روزني او ورزش ریاست رئیس حافظ محمود آغا بشر د دغې لیدنې پر مهال د شېخ زاید روزنتون له زده کوونکو سره د مرستې په موخه نوموړي روزنتون ته بېلابېل ورزشي توکي هم ورکړل.
هېره دې نه وي، چې د دغې لیدنې پر مهال د شېخ زاید روزنتون زده کوونکو بېلابېل ورزشي نمایشات هم ترسره کړل.
