د ورزش ادارې هیئت؛ د ایران په قُم ولایت کې له افغان مهاجرو ورزشکارانو سره ناسته وکړه
ایران ته د افغان مهاجرو ورزشکارانو د ستونزو او اختلافاتو د حل په موخه د الميیک ملي کمیټې او سپورټ ریاست درې کسیز هیئت له ورزشکارانو سره د ناستو پر دوام، د یاد هیواد په قُم ولایت کې د درې رشتو، فوټبال، فوټسال او کاراتې له مسؤلینو سره ناسته وکړه او د هغوی ستونزې او غوښتنې یې واورېدې.
دغه درې کسیز هیئت، چې د بدني روزنې او سپورټ عمومي ریاست د ورزشي مشاور قاري حیات الله رحماني، د پلان او پالیسۍ رئیس محمدحنیف حنفي او د اطلاعاتو او عامه پوهاوي امر محمدنعیم پرهیز پکې شامل دي، په ایران کې د ورزشکارانو ترمنځ د شته ستونزو د ختمولو په موخه د یاد هیوان قُم ښار ته سفر وکړ.
په دې ناسته د ورزشکارانو د شته ستونزو او اختلافاتو په اړه د هغوی نظرونه او وړاندوینې واورېدل شوې او د ورزش ادارې د هیئت له لوري د ورزش د رهبرۍ په استازيتوب ډاډ ورکړل شو، چې د دوی یادې ستونزې او غوښتنې به تر راټولولو وروسته د ورزش ادارې له رهبري سره شریکې کړي.
