د غزني ولایت په اندړو ولسوالۍ کې د نېزې وهنې سیالۍ ترسره شوې
د غزني ولایت د ورزش امریت په مرسته د ملي او عنعنوي لوبو مدیریت له لوري د دې ولایت په اندړو ولسوالۍ کې د مقر، ده یک او اندړو ولسوالۍ د ۳۶ اس سپرو له لوري د نېزې وهنې سیالۍ ترسره شوې.
د دغو سیالیو موخه د ملي، محلي او دودیزو لوبو وده او پراختیا ده، چې یوه ورځ یې دوام وکړ.
د دغو سیالیو په پای کې د اندړو ولسوالۍ لومړی، ده یک ولسوالۍ لوبډلې دویم او د مقر ولسوالۍ لوبډلې درېیم مقام ترلاسه کړ.
په پای کې د ګډونوالو مسوولینو له لوري غوره لوبډلو ته کپونه او د اتلوۍ حکمونه ورکړل شول.
