پکتیا؛ د پنځو ولایتونو ورزشکارانو په ګډون د کي وان کیک بوسینګ سبک سیالۍ ترسره شوې
د پکتیا ولایت د بدني روزنې او ورزش ریاست په مرسته د رزمي ورزشونو فدراسیون له لوري د دې ولایت په څمکنیو ولسوالۍ کې د کابل، خوست، غزني پکیتکا او پکتیا ولایتونو د ورزشکارانو په ګډون د رزمي ورزشونو د کي وان کیک بوکسینګ سبک سیالۍ ترسره شوې.
په دغو سیالیو کې د یادو ولایتونو ۸۰ ورزشکارانو برخه لرله، چې د یوې ورځې لپاره له یو بل سره ولوبېدل.
دغه سیالۍ، چې کي وان کیک بوکسینګ سبک ته د ودې او پرمختګ په موخه ترسره شوې، د پکتیا په لومړي، کابل دویم او پکتیکا ولایت د ورزشکارانو په درېیم مقام ګټلو سره پای ته ورسېدې.
په پای کې غوره ورزشکارانو ته مډالونه، کپونه او کمربندونه هم ورکړل شول.
