هرات؛ په اوبه ولسوالۍ کې د ١٢٠ پهلوانانو ترمنځ د پهلواني سيالۍ ترسره شوې
د هرات ولایت بدني روزنې او ورزش ریاست له لوري د دې ولایت د اوبه ولسوالۍ په دهند دواب پهلواني ميدان کې د ١٢٠ پهلوانانو ترمنځ د پهلواني سيالۍ ترسره شوې.
په دغو سياليو کې د اوبه ولسوالۍ(پشت رود) او پشتون زرغون ولسوالۍ (زير رود) پهلوانان سره ولوبېدل.
په پاى کې له پشتون زرغون ولسوالۍ څخه مولوي شیر احمد پهلوان، فهیم پهلوان، محمد نعیم پهلوان، آدم خان پهلوان او شیرزی پهلوان د غوره پهلوانانو په غوره شول.
په همدې حال کې له اوبه ولسوالۍ څخه حسن پهلوان، اسماعیل پهلوان، سیدآقا پهلوان، عبدالطیف پهلوان او محب پهلوان د غوره پهلوانانو په توګه غوره شول.
همداراز د لومړي او دويم مقام ګټونکو پهلوانانو ته ١٥ زره افغانۍ او د درېيم مقام ګټونکو پهلوانانو ته ١٠ زره افغانۍ ورکړل شوې.
د يادلو ده چې هره پنجشنبه د پشتون زرغون او اوبه ولسوالیو پهلوانانو ترمنځ د پهلواني سيالۍ ترسره کيږي.
