پنجشېر؛ د واليبال خزاني سيالۍ د وحدت رخه لوبډلې په اتلولۍ پاى ته ورسېدې
د پنجشېر ولایت د بدني روزنې او ورزش امريت په مرسته د واليبال فدراسيون له لوري د دې ولایت رخې ولسوالۍ، د درخېل کلي په ورزشي ميدان کې د لس لوبدلو ترمنځ د واليبال خزاني سيالۍ، چې څلور اوونۍ يې دوام وکړ د وحدت رخه لوبډلې په ګټه پاى ته ورسېدې.
دغه سيالۍ په پيل کې په ډله ييز شکل او له درېيمي اوونۍ وروسته په حذفې شکل ترسره شوې.
د دي سياليو په پايلوبه کې د وحدت رخې لوبډلې د ٣-٠ ميدانونو په توپیر حصارک لوبډلې ته ماتې ورکړه او د دې سياليو اتلولي يې خپله کړه همداراز حصارک او اتحاد لوبډلو په ترتيب سره دويم او درېيم مقام خپل کړ.
په پاى کې د رخې ولسوال، د پنجشېر د ورزش امر او د واليبال فدراسيون مسوولینو له لوري غوره لوبډلو ته بېلابېلې ډالۍ ورکړل شوې.
