د غزني په مرکز کې د ۱۴۰ وزرشکارانو په ګډون د سوک وهنې منتخبې لوبډلې سیالۍ ترسره شوې
د غزني ولایت د بدني روزنې او ورزش امریت او سوک وهنې فدراسیون په ګډه همکارۍ د غزني په مرکزي جمنازیوم کې د سوک وهنې د ټولو کلبونو د ۱۴۰ وزرشکارانو په ګډون د سوک وهنې منتخبې لوبډلې د غوراوي سیالۍ ترسره شوې.
په دغو سیالیو کې د څلور کټګوریو تنکیو ځوانانو، نوي ځوانانو، ځوانانو او لویانو سني او وزني کټګوریو کې د دوو ورځو لپاره سره ولوبېدل.
د یادولو ده چې د دې سیالیو په پای کې ۵۳ تنه د غزني ولایت د سوک وهنې منتخبې لوبډلې غړیتوب ترلاسه کړ.
په پای کې د ورزشي مسوولینو له لوري غوره ورزشکارانو ته مډالونه او د اتلولۍ حکمونه هم ورکړل شول.
