د تخار ولایت په ینګي قلعه ولسوالۍ کې د پهلواني سیالۍ ترسره شوې
د تخار ولایت د ورزش امریت په همغږۍ د کورش فدراسیون استازولۍ له لوري د دې ولایت د درېیو ولسوالیو ۶۰ تنو ورزشکارانو په ګډون په ینګي قلعه ولسوالې کې د پهلوانۍ سیالۍ ترسره شوې.
په دې ورزشي پروګرام کې د ینګي قلعه، درقد او خواجه بهاوالدین ولسوالیو ورزشکارانو برخه لرله.
د دې سیالیو موخه محلي ورزشونو ته د ځوانانو هڅول او د دې ولایت اوسېدونکو ترمنځ د سالمې تفریح برابرول دي.
په پای کې د ینګي قلعه پهلوانانو لومړی، خواجه بهاوالدین دویم او درقد ولسوالۍ درېیم مقام ترلاسه کړ.
