د افغانستان وېلچر باسکېټبال ملي لوبډلې له ټایلنډ هیواد څخه ماتې وخوړه
د افغانستان د ویلچر باسکېټبال ملي لوبډلې د چین په کوربهتوب د پارا المپیک اسیایي لوبو په لړ کې له ټایلنډ هیواد څخه د ۸۰ -۴۱ ګولونو په توپیر ماتې وخوړه.
تر دې مخکې افغان لوبډلې له ایران او فیلیپین سره سیالۍ ترسره کړې وې، چې په پایله کې یې فیلیپین ته ماتې ورکړه او له ایران هیواد څخه یې هم ماتې خوړلې وه.
دغه سیالۍ د چین په هانګ ژو کې روانې دي، افغانستان په خپل ګروپ کې د چین، فیلیپین، ټایلنډ او ایران هېوادونو له لوبډلو سره لوبې لري.
