جاویدان لوبډلې د تخار د رستاق ولسوالۍ د والیبال وحدت جام سیالیو اتلولي وګټله
د تخار ولایت په رستاق ولسوالۍ کې د والیبال وحدت جام سیالۍ چې څه موده وړاندې د تخار ولایت د سپورت امریت او والیبال فدراسیون په همغږۍ د ۱۱ لوبډلو ترمنځ پیل شوې وې، د جاویدان لوبډلې په اتلولۍ پای ته ورسیدې.
د دې سیالیو موخه د رستاق ولسوالۍ د ځوانانو ترمنځ د والیبال لوبې ته وده ورکول او ورزش ته د ځوانانو هڅول وو.
د جام پای لوبه د جاویدان او پیام صلح لوبډلو ترمنځ وه چې د ۲/۳ میدانونو په توپیر د جاویدان لوبډلې په ګټه پای ته ورسېده.
په پای کې د مسؤولینو له لوري په ګټونکو لوبډلو او تکړه لوبغاړو کپونه او مډالونه ووېشل شول.
