په خوست کې «زما ښار غوره جام» په نوم د فوټبال سیالۍ پیل شوې
د خوست ولایت د ورزش امریت په همغږۍ د خوست ښاروالۍ په مالي ملاتړ د فوټبال فدراسیون استازولۍ له لوري د خوست ښار اوو ناحیو اوو لوبډلو ترمنځ «زما ښار غوره جام» په نوم د فوټبال سیالۍ پیل شوې.
دغه سیالۍ چې د غوره ښاري فرهنګ او ښاري ارزښتونو په موخه پیل شوې په پیل کې دوې لوبې وشوې.
په لومړۍ لوبه کې د اوومې ناحیې لوبډلې د ۴-۰ ګولونو په توپیر د ښپږمې ناحیې لوبډلې ته ماتې ورکړه او همداراز په دویمه لوبه کې بیا د پنځمې ناحیې لوبډلې د ۲-۱ ګولونو په توپیر د دویمې ناحیې لوبډله له مخې لري کړه.
