په کابل کې د ۱۰۰ ورزشکارانو ترمنځ د سنوکر سیالۍ پای ته ورسېدې
د بدني روزنې او ورزش عمومي ریاست اړوند د سنوکر فدراسیون له لوري د مرکز کابل په شهر نو هنر سنوکر کلب کې د سنوکر ملي لوبډلې د ورزشکارانو په ګډون د کابل په کچه د ۴۰ کلبونو ۱۰۰ ورزشکارانو ترمنځ د افغانستان د خپلواکۍ د ورځې په نوم د سنوکر سیالۍ پای ته ورسېدې.
دغه سیالۍ، چې پنځه ورځې یې دوام وکړ، په پایله کې صالح محمد لومړی، نوید نادري دویم او رئیس خان سن زي درېیم مقام ترلاسه کړ.
هېره دې نه وي، چې د دغو سیالیو موخه د غوره ورزشکارانو موندل، د ورزشکارانو ترمنځ همغږي رامنځته کول او همدرانګه د سنوکر ورزش ته وده ورکول وو.
د یادو سیالیو په پای کې غوره ورزشکارانو ته کپونه او ستاینلیکونه ورکړل شول.
