پکتیکا؛ په ارګون کې د دریو ولایتونو د ۵۰ لوبډلو ترمنځ د فوټبال سیالۍ پای ته ورسېدې
د پکتیکا ولایت په ارګون ولسوالۍ کې د دریو(پکتیا، پکتیکا او غزني) ولایتونو ترمنځ د یووالي په نوم د فوټبال سیالۍ د افغان سوپر بالیش کلب په اتلولۍ پای ته ورسېدې.
د سیالیو پایلوبه د پکتیکا سلطاني کلب او افعان سوپر بالیش کلب ترمنځ وه چې د ۰-۲ ګولونو په توپیر افغان سوپر
بالیش وګټله.
د سیالیو موخه د ځوانانو ترمنځ د یووالي روحیې پیاوړي کول وو.
دغه سیالۍ چې د سیمې د بهر مېشتو مسافرو په مالي مرسته ترسره شوې، په پای کې یې لومړي مقام ګټونکې ته ۳۰۰۰۰ افغانۍ او دویم هغه ته یې ۱۰۰۰۰ افغانۍ د ډالۍ په توګه ورکړل شوې.
