لغمان؛ په علينګار ولسوالۍ کې د ۲۴ لوبډلو ترمنځ د واليبال سيالۍ پيل شوې
د لغمان ولايت د بدني روزنې او ورزش امريت او واليبال فدراسيون په همغږۍ د علينګار ولسوالۍ په لوکاړ کلي کې د ۲۴ لوبډلو ترمنځ د واليبال سيالۍ پيل شوې.
دغه سيالۍ، چې ۲۰ ورځې به دوام وکړي، لومړۍ لوبه يې د سندروا او ادار لوبډلو ترمنځ ترسره شوه، چې په پايله کې ادار لوبډلې خپلې سيالې لوبډلې ته د ۲_۱ ميدانونو په توپير ماتې ورکړه او بريا يې خپله کړه.
هېره دې نه وي، چې د دغو سياليو موخه له حاکم نظام څخه د ځوانانو ملاتړ او د ځوانانو ترمنځ د يووالي او اتفاق فضا رامنځته کول دي.
