په کندز کې د ۵۰ پهلوانانو ترمنځ د کورش سیالۍ ترسره شوې
د کندز ولایت د بدني روزنې او ورزش ریاست او کورش فدراسیون له لوري د یاد ولایت په ورزشي لوبغالي کې له ۶۰ تر ۶۶ کیلو وزنونو د ۵۰ ورزشکارانو ترمنځ د کورش سیالۍ ترسره شوې.
په دغو سیالیو کې د یاد ولایت ورزشي مسولینو، قومي مشرانو، وزشکارانو او سلګونو د ورزش مینوالو ګډون کړی و.
یادې سیالۍ د کندز مرکز او ولسوالیو د ورزشکارانو ترمنځ ترسره شوې او موخه یې د غوره ورزشکارانو موندل وو، چې په پایله کې فهیم په ۶۰ او معراج الدین چکمار په ۶۶ کیلو وزن کې لومړي مقامونه ترلاسه کړل.
