پهغزني کې د ۵۴ ورزشکارانو ترمنځ د ووشو سيالۍ ترسره شوې
د غزني ولايت د بدني روزنې او ورزش امريت اړوند ووشو فدراسيون له لوري د ياد ولايت د مرکز غزني د کلبونو او اندړو ولسوالۍ د یو ټيم د ۵۴ ورزشکارانو ترمنځ د نوموړي ولايت په ورزشي جمنازيوم کې د ووشو سيالۍ ترسره شوې.
دغه سيالۍ د څلورو کټګوريو، تنکيو ځوانانو، نويو ځوانانو، ځوانانو او لويانو په مختلفو وزنونو کې ترسره شوې او موخه يې د همدې رشتې ورزش ته ځوانانو هڅول او همدارنګه د ورزشکارانو ترمنځ د سالمې بوختيا رامنځته کول وو.
په پای کې د ورزشي مسولينو له لوري غوره ورزشکارانو ته مډالونه او د قهرمانۍ حکمونه ورکړل شول.
