د بلخ ورزشکارانو په مزار کې د ووشو ګلسرخ جام سیالیو اتلولي خپله کړه
د هېواد د شمال زون په کچه د ووشو د ۳۰ تنو ورزشکارانو ترمنځ د ګلسرخ جام په نوم سیالۍ چې څه موده وړاندې پيل شوې وې د بلخ د ورزشکارانو په اتلولۍ سره پای ته ورسېدې.
په دې سیالیو کې د جوزجان، سرپل او بلخ ولایتونو ورزشکارانو برخه اخیستې وه.
د سياليو موخه د هېواد په شمالي ولايتونو کې ووشو ته وده ورکول او ورزش ته د ځوانانو هڅول وو.
په پایله کې د لوړو امتیازونو په ګټلو سره بلخ لومړی، جوزجان دویم او سرپل درېیم مقام خپل کړ.
