هرات؛ د جمناسټيک فدراسیون د ٤٠ ورزشکارانو ترمنځ د پارکو سبک ټاکنيزې سيالۍ ترسره شوې
په هرات ولايت کې د جمناسټيک فدراسیون د ٦کلبونو ٤٠ تنو ورزشکارانو ترمنځ د د پارکو سبک ټاکنيزې سيالۍ ترسره شوې.
د دې سیالیو په مراسمو کې د بدني روزنې او ورزش عمومي ریاست د دفتر رئیس او مالي اداري رياست سرپرست محمد الله احساس، فني او مسلکي مشاور مولوي ګلاب الدین خپلواک، د هرات ورزش ریاست سرپرست مولوي محمود مشفق، د هرات جمناسټيک فدراسیون رئیس محمد وحيد اکبري او د فدراسيونونو استادانو شتون درلود.
يادي سيالۍ چې د هرات ورزش ریاست په ورزشي جمنازيوم کې د ځوانانو، نوي ځوانانو سني کټګوريو کې ترسره شوې موخه يې د منتخې لوبډلې ټاکل او راتلونکو ولايتي سياليو ته چمتووالى دى.
