د کندز په مرکز کې د ۷۴ جوړو پهلوانانو ترمنځ د کورش پهلوانۍ سیالۍ ترسره شوې
د کندز ولایت د بدني روزنې او ورزش ریاست او کورش فدراسیون په همغږۍ د دغه ریاست په مرکزي ورزشي لوبغالي کې د ۷۴ جوړو ۱۴۸ پهلوانانو ترمنځ د کورش پهلوانۍ یو ورځنۍ سیالۍ ترسره شوې.
په دغو سیالیو کې د دغه ولایت د بدني روزنې او ورزش ریاست مسولینو، د دولتي ادارو استازو، ورزشکارانو او د ورزش سلګونو مینوالو ګډون کړی و.
باید یادونه وشي چې د دغو سیالیو موخه د یاد ولایت ولسونو ته د سالمې تفرېح چمتو کول او همدارنګه د مختلفو قومونو ترمنځ د یووالي فضا رامنځته کول وو.
