په پلازمېنه کابل کې د څلور ولایتونو د ورزشکارانو ترمنځ د تکواندو آزادې سیالۍ ترسره شوې
د تکواندو ملي فدراسیون له لوري د دې فدارسیون د مخکښو ورزشکارانو په ویاړ د څلورو ولایتونو د تکواندوکارانو ترمنځ یو ورځنۍ سیالۍ ترسره شوې.
دغه سیالۍ، چې د بدني روزنې او سپورټ ریاست دننه او د تکواندو فدراسیون د تمریناتو په مرکزي صالون کې ترسره شوې، له کابل، تخار، پروان او کاپیسا څخه د ۱۳ لوبډلو ۱۰۰ تنو څوارلس کلنو ورزشکارانو پکې برخه اخیستې وه.
د سیالیو په پایله کې د پروان ولایت لوبډلې د ۲۳ امتیازونو په ګټلو لومړی مقام، تخار ولایت د ۱۴ امتیازونو په ګټلو دویم او د هدایت الله نظري لوبډلې د ۱۱ امتیازونو په ګټلو سره درېیم مقام خپل کړ.
د پروان ولایت تکواندو کار فردوس بهاوي د ۱۰۳ امتیازونو په ګټلو سره د سیالیو د غوره بریدګر لوبغاړي په توګه وپېژندل شو.
