په هلمند کې د فوټبال شپنیو سیالو په دوام درې سیالۍ ترسره شوې
د هلمند ولایت په مرکز لښکرګاه همت ورزشي لوبغالي کې د فوټبال شپنیو سیالیو په دوام تېره شپه درې سیالۍ ترسره شوې.
په لومړۍ سیالۍ کې ښاروالۍ لوبډلې صادقي لوبډلې ته د میراجان نورزي د پنځو ګولونو پر مټ د ۶-۰ ګولونو په توپیر ماتې ورکړه.
دویمه سیالي د الماس او خورشید لوبډلو ترمنځ ترسره شوه، چې په پایله کې د ۳-۲ ګولونو په توپیر د الماس لوبډلې په ګټه پای ته ورسېده.
د نن ورځې درېیمه سیالي د عمري او سیلاب هاشمي لوبډلو ترمنځ وشوه، چې په پایله کې عمري لوبډلې د ۴-۱ ګولونو په توپیر بریا خپله کړه.
