په لغمان کې د هنډ بال رمضان جام سیالیو اتلولي د لغمان ستورو لوبډلې خپله کړه
د لغمان ولایت د بدني روزنې او ورزش امریت او هنډ بال فدراسیون په ګډه همکارۍ د څلورو لوبډلو ترمنځ د هنډ بال پیل شوې سیالۍ د لغمان ستورو کلب لوبډلې په اتلولۍ پای ته ورسېدې.
د دغو سیالیو پایلوبې ته د لغمان ستورو کلب او لغمان منتخبې لوبډلې لار موندلې وه، چې په پایله کې لغمان ستورو لوبډلې د ۱۷-۱۶ نومرو په توپیر بریا او لومړی مقام ترلاسه کړ.
یادې سیالۍ د لغمان په مرکزي جمنازیوم کې ترسره شوې او درې ورځې یې دوام وکړ.
