فاریاب؛ د نوري ښوونیز مرکز لوبډلې د والیبال سیالیو اتلولي خپله کړه
د فاریاب ولایت د والیبال فدراسیون او ورزش آمریت له لوري په ایماق جمنازیوم کې هغه سیالۍ چې د روانې میاشتې په نهمه نېټه پیل شوې وې، د کب پر ۱۹ نېټې د نوري ښوونیز مرکز لوبډلې په لومړي او د جوانان بتاش لوبډلې په دویم مقام ګټلو سره پای ته ورسیدې.
د سیالیو په وروستۍ ورځ د فاریاب د ورزش مسؤولینو ترڅنګ، ځایي حکومتي مسؤولینو او ګڼ شمېر نندارچیانو برخه اخیستې وه او پایلوبه یې له نږدې څخه وکتله.
ددې سیالیو موخه په ملي سیالیو کې د ګډون لپاره د غوره څېرو پیژندل وو چې په دې وروستیو کې یې ۲ لوبډلې ټاکل شوې دي.
