پکتيا ولايت کې د ۷۲ پهلوانانو ترمنځ د غېږنیونې سیالۍ ترسره شوې
د پکتيا ولايت د بدني روزنې او سپورټ ریاست له لوري د ۷۲ پهلوانانو ترمنځ د دودیزې ( محلي) غيږنېونې يو ورځنۍ سيالۍ ترسره شوې.
دغه سیالۍ د افغانستان دودیزو لوبو ته د ودې ورکولو او دې برخې ته د ځوانانو هڅولو په موخه بېلا بېلو وزنونو او درې سني ( تنکيو ځوانانو، ځوانانو او لویانو) ډلبندیو کې د پکتيا ولايت په ورزشي اسټډیوم کې ترسره شوې.
په دې سیالیو کې د پکتیا د بدني روزنې او سپورټ ريیس قاري نورالرحمن " تسکين" ترڅنګ یو شمېر نورو ورزشي مسوولینو، ورزشکارانو او ګڼو مینوالو ګډون کړی وو.
د پيل په مراسمو کې تسکین له ګډونوالو او محلي ورزشکارنو سره ژمنه وکړه چې په یاده برخه کې هر ډول مرستې او همکارۍ ته چمتو دی، تر څو دا ورزش لا نوره وده هم وکړي.
په پای کې شپږ غوره پهلوانان د ریاست له لوري د اتلولۍ په حکمونو، کپونو او ورزشي لباسونو وستایل شول.
