سمنګانو ولایت کې د ۱۸ کلنو فوټسال سیالیو اتلولي ازادي نوین لوبډلې وګټله
سمنګانو کې د ۱۸ کلنو د فوټسال دا سیالۍ چې دوه میاشتې وړاندې د یاد ولایت د بدني روزنې او سپورټ امریت په ملاتړ د فوټبال فدراسیون له خوا د ۱۶ فوټسال لوبډلو ترمنځ پیل شویې وې د ازادي نوین لوبډلې په بریا پای ته ورسېدې.
پایلوبه د "ازادي نوین او نخبګان" لوبډلو ترمنځ په صبح امید لوبغالي کې ترسره شوه، چې د نوین په اتلولۍ او نخبګان په دویم مقام پای ته ورسېده.
د دې سیالیو موخه ورزش ته د ځوانانو هڅول، یووالی، یو بل منل او وررش ته وده ورکول و.
د پایلوبې په مراسمو کې د سیمه ییزو او ورزشي مسوولینو ترڅنګ، ځوانانو، ورزشکارانو او ګڼو مینوالو ګډون کړی وو.
د پای په مراسمو کې د مسوولینو له خوا ګټونکې لوبډلې ته کپ او غوره لوبغاړو ته مډالونه ، ستاینلیکونه او نورې ډالۍ ورکړل شوې
